Kannerrechter an der Coronazäit? Interview mam Marc Hilger

18.05.2021 | www.kla.tv/18775

Moien hei bei Klagemauertv. Mir begréissen haut ganz häerzlech den Här Marc Hilger. Moien Här Hilger. MH : Moïen Moderatorin: Merci dass dir eis haut e puer Froen beäntwert wéi dir als Schoulmeeschter den Alldag erlieft an der aktueller Situatioun. Villäicht iert mir elo méi déif an Thema steigen, kenn dir iech nach kuerz virstellen. MH : Mäin Numm ass Marc Hilger, ech sinn 52 Joer al, Papp vun 2 Kanner, an ech schaffen bal säit 30 Joer an der ëffentlecher Schoul als Schoulmeeschter. Ech hunn mech an all deenen Joer mat den Bedierfnisser vun de Kanner auserneegesat an ëmmer probéiert Léisungen ze fannen fir dass d'Kanner gären an d'Schoul kommen, dass d'Kanner gutt léieren, an dass virun allem Kanner mat speziellen Bedierfnisser och e Wee fannen an der Schoul mat deenen anere Kanner zesummen. Säit ville Joren beschäftegen ech mech mat Kannerrechter, ech hunn mat auslännesche Experten zesummen geschafft fir ze kucken dass d'Kannerrechter an der Schoul och hir Plaz hunn. Ech sinn och Ambassadeur fir d'Kannerrechter vum Zentrum fir politesch Bildung, dat ass een Service vum Minister deen dofir suergt dass déi politesch Bildung vun de Kanner promovéiert gëtt. Ech sinn am Moment aktiv an engem Mouvement deen heescht FAIR, deen sech fir d'Cause vun de Kanner asetzt am Kader vun de Coronamesuren déi geholl gi sinn an och geholl ginn. Mir trieden an fir den Respekt, fir d'Individualitéit, fir d'Allgemengwuel vun de Kanner a fir d'Fräiheet vun de Kanner. Ech selwer sinn als Privatpersoun an deem Mouvement engagéiert, an deen Mouvement deen schafft och mat aner Mouvementer an Associatiounen zesummen, mir sinn e Netzwierk hei zu Lëtzebuerg a mir schaffen och mat Associatiounen am Ausland zesummen. Hei zu Lëtzebuerg regroupéieren mir ronn 2000 Memberen déi zesummen gestalt sinn aus Elteren haaptsächlech, aus Grousselteren, Enseignanten, an Educateuren. Moderatorin: Villmools Merci Déi aktuell Situatioun belaascht eis jo alleguerten an och fir d'Kanner am Schoulalldag ginn et drastesch Ännerungen. Dir huet do munches erlieft, Recherchen gemaach, an déi och no uewen weiderginn. Wat huet iech dann dozou beweegt Schrëtter an déi Richtung ze maachen well ech mengen et brauch schonn vill Courage, Iwwerzeegung an och Entschlossenheet eng Géigestëmm zu deem Thema ze bréngen? MH : Also ech war relativ fréi alertéiert iwwert déi Moossnamen wéi Masken an Distanzéierung, an dat huet mech revoltéiert well ech gesinn hunn dass dat de Kanner net gutt deet. An dass dat d'Kommunikatioun ënnert de Kanner a mat den Erwuessenen stéiert. An dunn hunn ech relativ fréi gekuckt wat kann een maachen well ech och vun anere Kolleegen änlech Temoignage krut dass ville Kanner dat net gutt deet, do derbäi koum dass mir an engem Klima geschafft hunn vun Angscht, well d'léscht Fréijoer e Klima vun Angscht gemaach ginn ass iwwert d'Medien. D'Kanner hunn déi Angscht matt an d'Schoul geholl a mir hunn och vill doriwwer geschwat, a well och vill Kolleegen an Enseignanten an Educateuren gesinn hunn dass dat de Kanner net gutt deet. Kuerz Momenter vun Angscht sinn normal, dat schued net, mee wann een an eng Liewensangscht kennt an dat laang undauert, a wann dann derbäi kennt dass d'Elteren och Angscht hunn dann gëtt dat een ganz geféierlechen Mix fir d'Entwécklung vun de Kanner, fir hir Zukunft, an dat huet mech revoltéiert well ech geduecht hunn: och wann d'Situatioun schlëmm ass, kann et net sinn dass mir eis Kanner an esou eng prekäre Situatioun bréngen. An dunn hunn ech relativ fréi gekuckt wat gëtt et vum Rechtswee hir fir Méiglechkeeten eppes ze maachen. Ech hunn dunn en Affekot kontaktéiert deen mir gesot huet wat ech als Fonctionnaire de l'Etat däerf maachen, an deem entspriechend sinn ech och virgaangen. Moderatorin : Wat waren dann esou d'Schrëtter déi dir nach gemaach huet a wat waren d'Reaktiounen vun den Politiker dorops hin ? MH: Ech hunn mam Reseau vun Enseignanten an Educateuren wou ech an Kontakt stinn, d'Füler ausgestreckt a gesot : „Solle mir net do zesummen beim Minister nofroen wat mir kenne maachen fir dass d'Kanner net méi an där beängschtegender Situatioun sinn, dass si hir natierlech  Bedierfnisser net méi kënne wouerhuelen, wéi de Kontakt mat anere Kanner, de Kontakt mat dem Enseignant, zesummen spillen, a gemëschte Gruppe spillen, op d'Spillplaz goen, Turnen goen, raus goen, … all dat war jo vun engem Moment ob deen aneren ageschränkt. Dunn huet sech deen Grupp vun enger Dozent Erwuessener, Enseignanten an Educateuren, huet sech lues a lues vergréissert, dat ass e beemol zou engem Mouvement ginn wou ëmmer méi Enseignanten, Educateuren, Elteren, an dunn och Grousselteren bäikomm sinn, a wou mir zou engem bestëmmte Moment gesot hunn elo ass et Zäit an d'Ëffentlechkeet ze goen a Froen ze stellen. Well mir haten och schonn Kontakt mat Elteren déi Froen un de Minister gestalt hunn : firwat ass dat esou, sot mir d'Beleeger dofir, sot mir wien iwwerhëlt d'Responsabilitéit fir déi Schied déi do entstinn, well et ass ganz eendeiteg wann een de Kanner hir Bedierfnisser ënnerdréckt dann entsteet e Schued. Mir hunn dunn recherchéiert an erausfonnt dass d'Maske selwer Cheemeschsubstanzen  enthalen déi kriibserreegend sinn. Mir hunn eis zu puer esou gutt wéi méiglech probéiert ze informéieren iwwert d'Effeten vun der Mask, physesch an psychesch, a mir sinn zum Resultat komm dass dat a Froe ze stellen ass. Mir hunn gemengt dass et berechtegt ass onbequem Froen ze stellen, a wann mir zefriddestellend Äntwerten kréien dann ginn mir eis och zefridden mat der Situatioun an mir hunn och dunn am Januar 2020, a Form vun engem oppenen Bréif, well mir och gemengt hunn dass et wichteg ass d'Ëffentlechkeet ze informéieren,fir dass déi och soll wëssen wat mir denken, an dass eventuell en ëffentlechen Debat entsteet iwwert d'Fro vun der Mask. Deemools war et nach d'Fro vun der Mask, an d'Fro vun der Verantwortung, wien iwwerthëllt d'Verantwortung iwwert dat Ganzt well mir der Meenung waren déi Moossnamen sinn onverhältnesméisseg. Mëttlerweil, schonn déi Zäit gouf et Etuden déi gewisen hunn dass Lockdown-Moossnamen näischt bréngen, ech zitéieren den John Ioannidis, een vun deenen bedeitendsten Fuerscher eiser Zäit, deen huet relativ fréi schonn iwwert Etuden festgestallt dass Lockdown-Moossnamen ineffektiv sinn. An dozou gehéiert och d'Mask. Et ginn Fuerscher déi gesot hunn d'Mask hält keen Virus of, e Virus ass esou kleng dass en duerch d'Poren vun der Mask geet, Dat kann een vergläichen, an dat kennt net vun mir mee et ass ee Fuerscher deen sot : et ass wéi een Kanéngerchersdrot mat deem een well Mécke fänken. An dat gesäit een jo ganz kloer, an dat gesinn och d'Kanner dass dat net méiglech ass. Dat ass elo ee Beispill mee et gëtt aner Beispiller déi einfach weisen dass déi Moossnamen net haltbar sinn. Ech ginn een anert Beispill : Kanner sollten Superpreader sinn dat heescht dass si de Virus vermeert weiderdroen. Dat ass emol vum Drosden …, dat ass deen Virologe deen an Däitschland Deutungshoheit huet, vun deem war eng kéier esou eng Etude erauskomm deen huet déi awer erëm zeréckgezunn. Mëttlerweil gëtt et eng ganz Partie Etuden a ganz ville Länner déi ëmmer erëm bestätegen dass d'Kanner eng minimal Roll an der ganzer Saach spillen, d'Kanner sinn keng Superspreader si setzen och d'Enseignanten net a Gefor, a wann si krank sinn ass dat minimal, do ass zum Beispill eng Studie ugangs Januar a Schweden erauskomm wou zwou Milliounen Kanner gekuckt gi sinn, a vun deenen zwou Millioune Kanner ass keen gestuerwen, 15 waren krank an déi waren op der Reanimatioun an déi sinn erëm gesonnt ginn. Wa mir den Prozentsaz ausrechnen, 15 Kanner vun 2 000 000 da muss een sech froen : sinn déi Moossnamen verhältnisméisseg? Musse mir grouss Schied, déi d'Kanner wäerten droen an déi och ob eis Gesellschaft wäerten Auswierkungen hunn, musse mir déi mat a kaf huelen? Mir mengen net ausser et weist een eis de Géigendeel. Mir hunn versicht Studien ze sichen déi d'Effektivitéit vun der Mask beleeën, mir hunn keng eenzeg fonnt. Mir hunn déi zwou Studien déi de Gouvernement ervirbruecht huet bei enger Question parlementaire vum ADR, déi hu mir vun Experten analyséieren gelooss an och déi sinn net haltbar gewiescht. Also stelle mir erëm d'Fro un eis politesch Responsabel : ob Grond vu wat muss déi Maskeflicht am Gesetz sinn, a wien iwwerhëlt d'Verantwortung fir déi Schied déi do opkommen? Moderatorin : A wéi war d'Reaktioun vun de Politiker, ass do iwwerhaapt eppes komm? MH : Also deen éischte Bréif war jo een oppenen Bréif, deen huet e Shitstorm ausgeléist, wou awer keng sachlech Diskussioun entstanen ass, et ass just ob eenzel Punkten vun eisem Argumentaire agaangen ginn, bezéiungsweis sinn eenzel Etuden erausgepléckt ginn déi dann als net haltbar gewise ginn sinn, mee um Fong huet keng Diskussioun stattfonnt. Mir hunn och keng Reaktioun vun eisem Minister, och net vun eisen Parlamentarier kritt, d'Press huet sech zum Deel negativ ausgelooss : wéi dat da ka sinn dass do Enseignanten oder Educateuren esou e Bréif an d'Ëffentlechkeet ginn. A mir hunn just Froen gestalt, mir hunn keen ugegraff, mir waren ganz korrekt a fein, mir hunn keen ugegraff. Mir waren wuel anonym dee Moment well mir och nach net woussten … mir waren nach keen Mouvement, keng asbl, keng Associatioun, an mir wollten awer relativ séier an d'Press goen well mir d'Gefill haten : dat d'Ganzt gëtt een Selbstleefer a mir mussen elo e Punkt setzen. An dofir hu mir gesot, vu que dass mir keen Mouvement sinn an och keen eenzelen sech well an d'Vitrinn stellen, well een och weess dass een Ufeindungen ka kréien, a mir wëllen einfach eng sachlech Diskussioun mat eisem Ministère, mat eisem Minister féieren. An déi huet awer leider net stattfonnt. Mir hunn Enn Januar hu mir wéi gesot deen éischten Bréif geschéckt, am Abrëll war et dunn schonn deen véierten, an deen véierten Bréif huet zou enger Reaktioun vum Minister gefouert, deen eis gesot huet : Mir huelen äre Bréif zur Kenntnis a mir loossen deen analyséieren vun der Santé. Zwee Deeg drop ass d'Maskeflicht gestëmmt ginn am Gesetz. Wat mir eigentlech als ganz respektlos fannen, well wann een eppes a Fro stellt an e Problem mat eppes huet dann kann een net 2 Deeg dono e Gesetz doriwwer stëmmen. Bon, bis haut ass nach keng Äntwert komm, mir hunn mëttlerweil deen 5. Bréif un den Minister geschéckt fir ze froen wéini kréien mir dann elo eng Äntwert op eis Froen, mee déi sinn nach ëmmer net komm. Dunn hunn mir d'Initiative geholl dass mir bei den Ombudsman fir Kannerrechter gaange sinn well deen och eng gesetzlech Flicht huet, ech maachen eng Klammer op ( den Ombudsman fir Kannerrechter sollt eigentlech zou all Gesetz wat gestëmmt gëtt a wat d'Kannerrechter betrëfft, säin Avis dozou ofginn. Dat ass och net geschitt. Mir sinn dunn bei hien gaangen an hunn him Dossieren mat Temoignagen hannerlooss. Well mëttlerweil ass eisen Mouvement esou grouss ginn dass mir ganz vill Temoignagen kruten vun Elteren haaptsächlech, och vun Grousselteren vun Kanner déi leiden. Déi Niewewierkungen vun de Masken déi mir am Fréijoer prognostizéiert hunn déi hunn sech als wouer erausgestallt. Si féieren net nëmmen zou physesche Schied, Kanner déi Hautproblemer kréien, Kanner déi Entzündungen an de Mond kréien, Kanner déi net méi gutt schlofen, déi Albdreem maachen, Kanner déi net méi wëllen an d'Schoul kommen, mir hunn esou guer eenzel Kanner déi schwaachgefall sinn well se an Otemknappheet koumen, an an an … also ech kann iech do eng ganz Lëscht opzielen vun Temoignagen déi mir geschéckt kruten an aner Asblen mat deene mir zesumme schaffen hunn och Temoignagen kritt, also et gëtt eng ganz Partie. Déi hu mir wéi gesot eisem Ombudsman fir Kannerrechter iwwerginn mat der Demande dass hien bei den politesche Responsabelen  soll virstelleg ginn a klären : wat maache mir elo? Ween iwwerhëllt elo d'Responsabilitéit fir dat do a wat fir Aktiounen entstinn elo fir dass et de Kanner besser geet. Wat ech och nach well bedenken ass, dass Traumata déi d'Kanner erliewen, dat soen net mir mee den Franz Ruppert deen e bekannten Traumafuerscher an Däitschland ass, deen sot an enger Publikatioun : Leit déi Kricher gemaach hunn sinn Leit déi als Kanner traumatiséiert goufen. A mir hunn am Moment eng Generatioun vun Kanner déi traumatiséiert ginn. Wat geschitt an 20, 30 Joer mat deene Kanner, mat der Gesellschaft ? Wat ass d'Visioun vum Educatiounsminister, vun eiser Regierung wat d'Zukunft ubelaangt,wou well mir hin? Ass dat déi schéin nei Welt déi mir am Moment erliewen, déi hannenno soll entstoen? Dat sinn ganz wichteg Froen déi eiser Meenung no mussen gesellschaftlech debattéiert ginn an déi kenne net einfach vun enger Grupp vun Politiker decidéiert ginn. An dofir ass et och normal dass Bierger opstinn, a wann d'Politiker dat net an d'Hand huelen dann huelen si dat an d'Hand. An dofir ass ee waarmen Appell un eis Regierung di Demanden vun deenen Leit, déi Doleancen seriö ze huelen sech mat de Leit un een Dësch setzen an ee Modus Vivendi ze fannen wéi een gutt zesummen ka liewen a wéi et eise Kanner ka besser goen. Moderatorin : Jo well ech mengen den Educatiounsminister huet e Pressebriefing gemaach wou en och ugekënnegt huet dass et de Kanner insgesamt méi schlecht geet an och 15% Suicidegedanken hunn an déi psychesch Détresse extreem zougeholl huet, dat huet hien jo selwer gesot. Wat so dir zou deenen Léisungen déi do virgeschloen gi sinn? MH : Vir d'éischt emol si mir ganz frou dass de Minister am Februar zouginn huet dass et ville Kanner net gutt geet, ech mengen wann een scho weess dass d'Zuel vun de Kanner déi Suicidegedanken hunn 15% an d'Luucht geet, wann een scho weess dass an der Jugend an an der Kannerpsychiatrie den Triage muss gemaach ginn woubäi mir ee Joer virdrun vun engem méiglechen Triage an de Klinicke geschwat hunn … elo gëtt den Triage an der Psychiatrie gemaach, mee dat héiert een net an de Medien, ass dat manner wichteg? An dat fannen ech eigentlech vis-à-vis vun eise Kanner ganz schlëmm, well et geet ville Kanner net gutt mee et schéngt net wouergeholl ze ginn... jiddefalls de Minister huet et erkannt, an dat hale mir him zegutt, hien huet och Mesuren proposéiert an och ëmgesat. Dat eent sinn Gesellschaftsspiller déi an d'Schoulen an an d'Maison Relaisen geschéckt goufen, fir mat de Kanner ze spillen, mee eiser Meenung no geet dat laanscht de Kär vun der Saach. Well de Kär vun der Saach ass einfach de Mask, fir eis ass deen net haltbar, well einfach Beweiser feelen, d'Beweiser fir d'Effektivitéit, a wann et déi net gëtt, dann musse mir en op Säit huelen. Et gëtt genuch Studien déi weisen dass de Mask näischt bréngt, dass en ineffektiv ass also heescht dat fir eis : d'Maskeflicht muss aus dem Gesetz erausgeholl ginn. Eng aner Mesure déi den Minister en Place gesat huet ass dass hien den Enseignanten matgedeelt huet si sollen mat den Elteren Gespréicher féieren iwwert Befannen vun hire Kanner ob Grond vun dem Joermossnahmen, an do sinn mir gemëscht well mir mengen dass et net un den Enseignanten ass fir elo eng psychologesch Roll ze iwwerhuelen, fir Schied opzefänken déi eigentlech net vun eis ze responsabiliséieren sinn. D'Fro vun der Responsabilitéit ass och do ganz wichteg well deen deen d'Responsabilitéit hëlt, deen muss och fir d'Reparatioun astoen, deen muss och kucken dass déi traumatiséiert Kanner an Elteren opgefaangen ginn a méiglech séier erëm op een gudden Wee bruecht ginn. Moderatorin : Dir sidd jo hei a Lëtzebuerg ganz aktiv, d'Massemedien beriichten eigentlech wéineg hei zu Lëtzebuerg wat an anere Länner nach esou geschitt. Huet dir villäicht do Informatiounen, geriichtlech Decisiounen, iwwert dat wat an aneren Länner nach leeft well soss seet de Lëtzebuerger sech villäicht och : „Ok dat do ass elo den Här Hilger mat senger Grupp“ Et wär interessant ze héieren wat an anere Länner nach esou ënnerholl gëtt. MH : Also an anere Länner, et huet e bëssi gedauert, nom Fréijoer vum leschte Joer, mee Enn vum leschte Joer koumen déi éischt Geriichtsurteeler, ech zitéieren Eisträich, do huet d'éisträichescht Verfassungsgeriicht d'Maskeflicht als gesetzeswiddreg ausgesprach, a Bosnien d'selwecht, do ass d'Maskeflicht antikonstitutionelle, a Portugal sinn Lockdown-Moossnamen als gesetzeswiddreg duergestallt ginn, an der Belsche och, donoer kommen an Eisträich Geriichtsurteeler Richtung PCR-Test, dass deen net geduecht wär fir Infektiounen ze weisen, fir Infektiounsnachweis, dann koumen elo ganz rezent ganz wichteg Urteeler beispillsweis aus Weimar. Wou een Gericht fir 2 Schoulen, firwat 2 Schoulen, ma well do Elteren aus 2 Schoulen geklot hunn. D'Maskeflicht, Testflicht an d'Abstanzflicht als  gesetzeswiddreg duergestallt hunn, an d'Schoulen kruten den Uerder si missen dat direkt ophiewen. Dat huet eng ganz grouss Polemike ausgeléist an an deenen Länner ass d'Politik och iwwert déi Geriichtsurteeler ewechgesat. An dat denken ech muss een sech och emol virun An halen wat dat eigentlech heescht. Well ee Gericht seet dat ass antikonstitutionell an de Gouvernement mecht einfach weider. Muss een sech do net wonneren dass d'Leit bemol opstinn a soen dat geet net esou virun ? Bei eis hunn mir et elo esou gemaach zu Lëtzebuerg : mir hunn 2 Pilieren an eisem Mouvement. Deen een Pilier ass et den Public ze informéieren, an der Hoffnung dass een Dialoge entsteet, an deen aneren Pilier ass deen juristeschen Wee. Mir hunn an enker Zesummenaarbecht mat eisem Affekot, en Dossier op d'Gericht bruecht, eng Plainte géint den Reglement grand-ducal vum 20. Februar deen virgesäit dass e Kand no enger Quarantaine eréischt däerf zréck wann et een Test mécht. Déi Plainte ass leider net als urgent ugesinn ginn, mir wollten se méiglechst séier op d'Gericht bréngen déi gëtt awer elo leider eréischt Enn des Joers, Ugangs vum nächste Joer thematiséiert, … leider! Eng zweet Plainte wäert nokommen dat ass d'Plainte géint d'Maskeflicht am Gesetz. Woubäi mir dann hoffen dass d'Richteren dann couragéiert genuch sinn fir sech och unzekucken wat aner Gerichter schonn decidéiert hunn, den Argumentaire ze kucken. Eisen Argumentaire baséiert ganz kloer op de Kannerrechter, mir gesinn et als eng Violatioun vun de Kannerrechter un, a mir gesinn et och als eng Onverhältnisméissegkeet un, an de Principe de Proportionalité ass eiser Meenung no net ginn. Ganz einfach well d'Kanner eng Nieweroll an der ganzer Saach spillen an och d'Schied déi dobäi entstinn vill ze grouss sinn, wéi e Schued iwwert e méigleche Virus deen bei engem Kand eventuell géif entstoen. An Amerika gëtt et mëttlerweil 22 Bundesstaaten déi komplett d'Moossnamen opgehuewen hunn, dat heescht do ass een normaalt Liewen. 9 vun deenen 22 Bundesstaaten hunn schonn säit August 2020 keng Lockdown-Moossnamen méi an do gëtt et och schonn Etuden déi weisen dass d'Ënnerscheeder tëschent deenen Staaten, zum Beispill Florida a Kalifornien, Staaten matt Moossnamen, Staaten ouni Moossnamen, dass do keen Ënnerscheed ass an den Infektiounen an et gëtt mëttlerweil 9 Bundesstaaten an Amerika déi esou guer den Impfpass verbueden hunn. An ech mengen och dat kann een net einfach ignoréieren, leider an eisen Medien, an eisen Mainstreammedien héiert een dat net, mee dat sinn fir eis ganz wichteg Sachverhalter déi een muss um Bildschierm hunn an déi net kennen dozou féieren dass een Leit net lauschtert an net mat hinnen an den Dialoge trëtt fir en Modusvivendi ze fannen fir gutt mateneen zesummen ze liewen. Moderatorin : Wat sot dir dann zou deenen aktuellen Schnelltester déi an de Schoulen duerchgefouert ginn? MH : Zou deenen Selbsttester déi elo säit kuerzem an de Schoulen agefouert gi sinn, déi awer nach fräiwëlleg sinn, a mir hoffen och dass dat esou laang wéi méiglech bleift, déi Schnelltester werfen etlech Froen op. An zwar hu mir am Beipackzettel gelies dass een déi Tester muss ënnert Laborbedingungen duerchféieren, an dass een muss Schutzkleedung unhunn, Schutzhändchen, Schutzbrëll, well och déi Substanz wou d'Kanner deen Stäbchen dranzappen toxesch ass, do sinn Chemikalien dran. Eis Fro : ass dat esou bei deenen Tester déi Kanner bei eis musse maachen, wëssen d'Elteren Bescheed ? Well mir fannen wann d'Kanner mat esou eppes hantéieren mussen d'Elteren dat och wëssen sollen. Dann steet och dran dass déi Tester net geeicht sinn, déi sinn net consipéiert fir Kanner, an och do stellen mir eist Fro firwat mussen d'Kanner mat Tester ëmgoen déi net fir si geduecht sinn. Onofhängeg dovunner wëssen mir och alleguer dass déi Tester net fiabel sinn, an dass d'Warscheinlechkeet ganz grouss ka sinn dass falsch Positiver do rauskommen. An dann ass et jo sou dass wann e Kand donoer positiv ass dann gëtt eng ganz Prozedur a Gang gesat déi och ganz vill Onroue bréngt an der Schoul. D'Kanner selwer sinn och opgereegt iert si déi Tester musse maachen, a mir fannen wann schonn esou eppes zur Verfügung gestallt gëtt dann sollen d'Elteren dat och doheem maachen en connaissance de cause. A mir fannen dass dat mat ze vill Froen vun Responsabilitéit verbonnen ass dass dat an der Schoul vun Enseignanten muss gemaach ginn.  Moderatorin : Wat wär dann ärer Meenung no eng Virgoensweis déi jidderengem kéint gerecht ginn?  MH : Fir mech muss einfach eng Transparenz bestoen, et kann net sinn dass d'Bevëlkerung, an domadder schwätzen ech speziell d'Kanner an d'Elteren un, dass déi an eng Angscht gedriwwen ginn iwwert Schreckensmeldungen déi guer net hannerfrot ginn, déi d'Elteren an eng Situatioun bréngen, an och d'Kanner, déi net méi gesonnt ass. An dofir fannen ech soll et een equilibréierten Dialoge sinn an enger Gesellschaft déi di eng Säit an déi aner Säit héiert an wou och d'Wëssenschaft muss gehéiert ginn. An d'Wëssenschaft ass net just dat eent, do gëtt och een Diskurs gefouert well d'Wëssenschaftler sinn sech net eens. Fir mech gesinn ech d'Roll dass de Politiker soll dofir suergen dass eng cohésion social an engem Land soll entstoen. Déi entsteet net wann een Leit an ëmmer méi Leit déi onzefridden sinn, ignoréiert. An e Politiker misst eigentlech dofir suergen dass déi Leit déi hir Doleancen hunn net diffaméiert ginn iwwert d'Medien, mee eigentlech soll een eng Roll hunn wou een dat offiedert a kuckt fir een Modusvivendi ze fannen wéi een gutt kann zesummen liewen. Moderatorin : vill, villmools Merci dass dir iech Zäit geholl huet, an och fir ären Courage, mir wënschen iech alles Guddes op ärem weideren Wee.

von th

Quellen/Links: Die Evidenzlage zu Mund-Nasen-Bedeckungen https://www.aerztefueraufklaerung.de/masken/index.php
Anstieg psychischer Erkrankungen - Neue Studie von John Ioannidis https://www.youtube.com/watch?v=7_Vn8paEhwA
Urteil Verfassungsgerichtshof Österreich, 23.12.2020 https://www.vfgh.gv.at/medien/Covid_Schulen.php 
Weimar : https://enfance-libertes.fr/verdict-sensationnel-a-weimar-pas-de-masques-pas-de-distance-plus-de-tests-pour-les-etudiants/
https://2020news.de/beschluss-aus-karlsruhe-stuetzt-sensationsurteil-aus-weimar-rechtsbeugungsvorwurf-gegen-richter-ohne-grundlage/?fbclid=IwAR3uQY-OWtNFfVQSLrHV91eYTxLtNaNk6TcJnhzaxyWH3VECzoFFAkNsNWE